Saturday, December 31, 2005

المترو وتجليات اليوم الأخير في السنة


منذ يومين وأنا أريد الكتابة عنها .. تلك البنت التي قابلتها في المترو .. لكن لم يتوافر لي وقتا للكتابة هنا .. استغل هذا الصباح الهادىء وقبل كتابة حوار سعدي الكعبى للجريدة .. اكتب عنها ، لكنني اكتشف فجأة بان اليوم هو أخر أيام 2005 وكنت قد قررت أن احاسبنى .. فظللت أفكر عن ايهما اكتب؟ .. ربما وجدتها فرصة للهروب من الحساب العلني وقلت اكتب عنها وبامكانك أن تكتبي عن السنة الماضية في كشكول مذكراتك كما تعودتى دوما .. اربت علي بحنان وأقرر الكتابة عنها وبخاصة أنى لم ارتكب أية كوارث هذا العام وعلى كل فانا جيدة جدا فيما نفذته من أهداف وضعتها من عام مضى .. أحاول أن اكتب الآن عنها بأقل أخطاء نحوية حتى لا يحزن أبى وعمرو ..
اركب من محطة مترو العتبة ..مثقلة بحقيبة اوراقى وحقيبتي الشخصية وأشياء في الروح ..تلحظني الجالسة امامى فتأخذ حقيبتي وتسالنى عن محطتي الأخيرة .. فأقول لها باني سأنزل في الجيزة .. لحظات طويلة تمر في صمت خارجي بينما يظل عقلي يسترجع أخر يوم رأيت فيه عمرو.. كان دافئا وحنونا جدا .. تقطع لحظات تاملى لتخبرني بان مكان بجوارها قد فرغ الآن ..فاجلس واخرج كتاب الفريد فرج " شارع عماد الدين" من حقيبتي وأقرا .. يقاطعني صوتها
أنت بتذاكري ولا بتقرى -
لا بقرا
طب ممكن اطلب منك طلب ؟
أخمن في الثواني المعدودة التي تسبق خروج الكلمة التالية بأنها ستطلب نقودا .. لكنها تفاجئني بقولها " أنا عايزاك دلوقتى تعلمينى القراية "
دلوقتى ؟
اه أنا بعرف أفك الخط لكن مش قوى يعنى
انت معاكى ايه؟
دبلون تجارة لكن بالغش يعنى ..طول عمرى بغش فى الامتحانات

سرعة كلامها الممتزج بهدوء عجيب يعوقني عن التفكير لكنها تستطرد وتحكى عن رغبتها فى تعلم القراية
طب اقري كده شويه فى الكتاب وورينى
تاخذ الكتاب وتحاول فتقرا كلمة " كلام" كان .. ثم تتوقف لتقول لى " على فكرة الجملة ده مش لايقه مع بعضها " فاصدق كلامها واقول لانك تقراينها من منتصفها واقراها لها من اولها .. المهم .. تنبهنى الى ان صوتى ارتفع قليلا وانها تخجل من ذلك وتستطرد لكنى اقاطعها هذه المرة
انت بتشتغلى ايه ؟
مع مباحث المترو يعنى افتش الستات وابص لو راجل ركب عربية الستات، وكمان مندوبة مبيعات .

احاول ان اعلق لكنها تقاطعنى قائلة " عارفة انا عايزة اعرف اقرا ليه ؟"
اصل حبيبى بعت لى رسالة على الموبايل وفضلت احاول فيها لحد ما قريتها اصل ده خصوصيات ومش بحب حد يقراها لى ويشوف اللى ما بينا وبعدين خطيبى ما بيعرفش يفك الخط انما حبيبى بيعرف يقرا ويكتب كويس قوى واسلوبه حلو .. حتى بصى
وتقرا لى الرسالة بصوت بدا لى مرتفعا لدرجة اربكتنى لان الرسالة تحتوى على كلام به كمية عبارات جنسية وايحاءات تفضح .. المهم حاولت التعليق باى شىء لكنى فشلت لكنها لم تفشل واستطردت تحكى لى
- عارفة امبارح اتسرقت فى المترو كنت حاطة خمسين جنيه ورقة واحدة فى الجيب ده واتسرقت وكمان اتسرق الموبايل .
ايه ده .. افكر الان ان انا عبيطة كيف سرق منها الموبايل امس ومعها الان واحد اخر .. ايه ده ازاى ما اخدتش بالى ؟ .. معقول لحقت اشترت واحد .
يقاطعنا هذه المرة رنين هاتفها فترد " ايوه طب كلمنى كمان عشر دقايق انا فى المترو "
تنتهى من المكالمة وتوجه كلامها لى اصل انا شغلى كله مع رجاله فبيتصلوا بى .. ما قلتليش اعمل ايه علشان اعرف اقرا كويس..كدت اضحك لكنى اكملت كلامى بمنتهى الجدية وظللت اتحدث كما فى الاعلانات عن فصول محو الامية وفائدتها المرتقبة فى قراءة رسائل حبيبها على الموبايل والكتابة ان احبت بدلا من كتب رسائل الغرام فى الموبايل التى لا تشعر بما فيها
اقتربت المحطة التى سانزل فيها فاستئذنت فى النزول لاعطى نفسى فرصة للوقوف امامها لتأمل ملامحها الهادئة جداوالتى لا توحى بكل ما تحمله داخلها واخذت اتامل فى حال الدنيا .. وكل سنه وانتم طيبين .

12 Comments:

Blogger عمرو عزت said...

ده كان ينفع مشهد كويس في فيلم بنات وسط البلد

1:54 AM  
Blogger Ahmed Shokeir said...

حرام عليكي يعني أول حاجة تقراها تكون لألفريد فرج

بس لقطة جميلة

7:03 AM  
Blogger Mr-Biboooo said...

فى الاول تعاطفت مع الانسانة دى قوى

و شوية و حسيت بتفاهتها و سطحيتها لكن قلبت الحدوته فى دماغى و حسيت بتعاطف اكبر معاها

من حقها تقرا المسج بتاع حبيبها

و من حقها تستمتع بجهلها مادام مرتاحة ناس كتير بتقرا ومش قادرة تستمتع بحياتها

4:11 PM  
Blogger radwa osama said...

عمرو : وقتها طبعا الفيلم كان مساره
هيتغير

عبد الله النديم:والله هى مش مهلكات طب ده انا حتى فضلت طول اليوم مبسوطة قوى..انسانه بتحلم وبتحقق حلمها بس بطريقتها وعلى قد فهممها والجميل انه بدون شعور بالذنب ..ده اللى بحسدها عليه.
احمد:احمد ربنا انه ما كانش ماركيز ده كان الكتاب اللى قبله ..وشكرا
بيبو: انا معاك فى احساسك ده لانى برضه حسيت بده وما قدرتش انقم عليها رغم اعتراضى طبعا

12:22 AM  
Anonymous Anonymous said...

و لو أني مش فاهم قوي بس حلة جدا جدا عايزين تدوينات من دي كتير

8:15 AM  
Blogger Joly said...

اللي يلفت نظرك في الموضوع إن هي مستمتعة بحياتها كده ببساطتها و سطحيتها .. مش شايفة حاجة فيها لازم تتغير ..برغم اعتراضي عليها طبعا بس ممكن تكون لقت كده السلام الروحي مع نفسها عكس ناس تانية كتير

10:21 PM  
Anonymous Anonymous said...

الموضوع لازم يتحلل صح!
سلبيات الموضوع لازم تفند علشان نستفيد من مروره وقرائتنا ليه!!

1- إمكانية مرور واحدة بالتعليم بدون تعليم!!
2- عدم إهتمام الأهل
3- رضاها هى نفسها بالوضع وعدم إعطاؤه أى أهمية


وبعدين من أعجب ما قالت :
أن خطيبها مش بيعرف يقرا وحبيبها بيبعت رسايل حلوة!!
-هو الواحدة بيكون لها خطيب واحد وكذا حبيب, أو أكبر من أو يساوى 1

لا أعرف ما ذا أقول, ولكن إذا كان الوضع وصل لهذه الهوة الخطيرة, فأحتسب وأقول "لا حول ولا قوة إلا بالله"
وأعد العدة لأن أمامى مشوار طويل لأمثال هذه,

أخوكم محمد

5:14 PM  
Anonymous Anonymous said...

Best regards from NY! » »

12:52 PM  
Anonymous Anonymous said...

~「朵語‧,最一件事,就。好,你西....

6:11 AM  
Blogger oakleyses said...

true religion jeans, oakley sunglasses, michael kors outlet, air max, tiffany and co, kate spade outlet, kate spade handbags, gucci outlet, nike shoes, louis vuitton outlet, air max, louboutin outlet, louis vuitton outlet, polo ralph lauren outlet, tory burch outlet, michael kors outlet, coach outlet, louis vuitton, coach factory outlet, louis vuitton outlet stores, burberry outlet, coach purses, michael kors outlet, oakley sunglasses cheap, longchamp handbags, ray ban sunglasses, burberry outlet, oakley sunglasses, longchamp outlet, christian louboutin shoes, michael kors outlet, nike free, louboutin, longchamp handbags, coach outlet store online, louboutin, prada outlet, tiffany and co, jordan shoes, ray ban sunglasses, michael kors outlet, louis vuitton handbags, polo ralph lauren outlet, chanel handbags, michael kors outlet, true religion jeans, prada handbags

5:32 PM  
Blogger oakleyses said...

vans shoes, nfl jerseys, wedding dresses, ghd, celine handbags, longchamp, ugg boots, abercrombie and fitch, lululemon outlet, uggs outlet, herve leger, ugg pas cher, chi flat iron, ugg australia, north face outlet, canada goose, north face jackets, mont blanc, giuseppe zanotti, canada goose jackets, beats by dre, ugg, mcm handbags, valentino shoes, new balance shoes, instyler, soccer shoes, babyliss pro, ferragamo shoes, mac cosmetics, rolex watches, insanity workout, p90x, bottega veneta, jimmy choo outlet, canada goose uk, canada goose, nike huarache, canada goose outlet, canada goose, reebok outlet, ugg boots, soccer jerseys, hollister, asics running shoes, birkin bag, marc jacobs, nike roshe run

5:46 PM  
Blogger oakleyses said...

air max, juicy couture outlet, parajumpers, toms shoes, vans, moncler, montre homme, converse, pandora charms, pandora charms, moncler, thomas sabo, gucci, moncler, moncler, baseball bats, juicy couture outlet, hollister, ugg, wedding dresses, links of london, oakley, swarovski, moncler, pandora jewelry, moncler outlet, lancel, canada goose, louis vuitton, iphone 6 cases, karen millen, ray ban, moncler, rolex watches, supra shoes, hollister clothing store, converse shoes, air max, canada goose, hollister, timberland boots, louboutin, ralph lauren, swarovski crystal, coach outlet store online, ugg

5:46 PM  

Post a Comment

<< Home

eXTReMe Tracker