Wednesday, June 20, 2007

أنا زعلانه من ربنا

أرد على الهاتف فاستقبل خبر موته بشكل يشبهه ..محمد عبد العظيم ..ماله ؟ المح فى صوتها نبرة حزن لم الاحظها من بداية المكالمة ..ايه مات؟ ..ببرود اتحدث ..برود لا يناسب علاقتنا ..تخبرنى بانه مات فى حادث سيارة صباح أمس ..اظل مبهوته ....بمجرد انتهاء المكالمة انهمر فى بكاء موجع ..اتذكره ، اتذكر ايام الجامعة والابحاث فى مركز البحوث وكلامه عن السياسة والمظاهرات ودنيته اللى كانت بتبهرنى وفرحى لما اشوفه ..ااااااه ..مش عارفه اوصفك يا محمد ومش مصدقه انك مت وانى مش هشوفك صدفه فى الجامعة او فى مركز البحوث واقعد احكيلك عن دنيتى اللى بقت تشبه دنيتك ..مش مصدقه اننا مش هنقعد نتكلم عن غباء اساتذة الجامعة ..مش مصدقة انك سبت سالى مراتك لوحدها وآدم ابنك اللى ما كملش سنتين وكنت بتحلم تخليه مختلف ..مش عارفه أكلم سالى اقولها ايه ؟ لا اجيد التصرف فى مثل هذه الاحوال ..هتوحشنى قوى ..هو ليه يا رب محمد مات؟ ليه سالى تتالم ؟ يمكن ما كانش متدين ولا بتاع ربنا ..لكن كان طيب وبيعمل كل اللى انت بتقول عليه ولو ما كانش باسمك..نفسى ترجع تانى ..معجزة من السماء تقول ان ده كان هزار وانك عايش ..اكمل البوست واكلمك على الموبايل فترد وتهزر معايا ونفتكر سخافة هزار موتك ..هى الحياه هتمشى عادى كده وهنسى ..بحاول انسى يا محمد بس برجع وافتكر انك مت بجد .. فبتألم اضعاف اضعاف المى لما احس انه عادى يعنى ممكن اكمل الفيلم اللى بشوفه وانظف الشقة واحضر حفلة بكرة ..وانسى او اتناسى ان سالى بتموت لانها بعيده عنك ..ليس أمامى سوى الايمان بتواصل الارواح وبانك حتما تشعر بما اكتبه ..وبان روحك ما زالت معنا ..اعرف اننى ساقع فى احدى مخاوفى وافكارى حول الموت والرعب على علاقتى بعمرو والتوسل الى الله ان ياخذ منى اى شىء ويحفظه لى سالما ..ليس أمامى الا الصلاة والاعتذار لك يا ربه لانى زعلانه منك وأدخلتك الى سخف تدويناتى

42 Comments:

Blogger مـحـمـد مـفـيـد said...

كم تجرعت مراره حزنك يا رضوي في سطورك الحزينه
كم هي قسوه الفراق المفاجئ
ولكنها حقيقه الحياه
انه الموت

الهم زوجته الصبر واعانها علي ابنها اليتيم مبكرا واعلم مدي صعوبه المهمه
ولكن الله لا يكلف نفساً الا وسعها فهي قدر هذا الابتلاء

************************

العنوان يحمل بعض علامات التعجب واعتقد انكي قد خانكي التوفيق

2:34 PM  
Anonymous Anonymous said...

البقاء لله يارضوى اصعب حاجه فى الدنيا دى هو فراق ناس قريبين من قلبك ولكن هاهى الحياة بتاخد اغلى ماعندنا
يارب يصبر زوجته ويعينها ويقويها على فراق رفيق عمرها ويقويها على تربيه ولدها يارب
واحسن شئ تعمليه يارضوى هو التقرب الى الله واللجؤ لهفى مثل هذا الوقت
ولكن اسمحيلى انا معترضه على عنوان الموضوع لان مهما كان مانقدرش نزعل من ربنا اكيد خانك التعبير
نيرمين

4:38 PM  
Anonymous Anonymous said...

انا اعترض على هذا العنوان " استغفر الله "
هذا اعتراض على قضاء الله
الله سبحانه و تعالى يقول: " لا يُسأل عما يفعل و هم يُسألون"

10:53 PM  
Anonymous Anonymous said...

لله ما أعطى ولله ما أخذ وكل شئ عنده بمقدار

وان العين لتدمع وان القلب ليحزن ..ولا نوقل إلا ما يررضي ربنا..ونا لله وإنا إليه راجعون

ده كان قول النبي - صلى الله عليه وسلم - عند المصيبة


ودي مش النهاية...فيه آخرة

ووقتها


الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ

4:32 AM  
Blogger أبوفارس said...

أول مره أعلق عندك ..
بس أنا كمان زعلان من ربنا ولاأتحدث أليه هذه اﻷيام..
ﻷنى أراقب أنسانه قريبه جدا منى وهى تتألم وتموت ببطء من سرطان ينتشر فى جسدها..
يمكن بعدين أستطيع الحديث أليه أما اﻷن ...
فلا..
تحياتى..خالد

6:50 AM  
Anonymous Anonymous said...

الحمد لله على ما أراد الله......الحقيقه الوحيده الثابته هى التغيير. الموت حقيقه الحقائق............أعتراف جميل يا رضوى ...انك مالكيش غير الصلاه و الأستغفار عشان دخلتى ربنا فى تدويناتك اللى موش سخيفه ابدا...ربنا يرحمه

7:44 AM  
Blogger Ana keda said...

انا اول مرة بعلق عندك

بجد انا زعلانة من اسم البوست ده بصى يا دعاء احنا كلنا فى ايدين رب
العباد روحنا بيديه مش هندوم فى دنيا
مسينفعش تتكلمى عن رب العالمين كده
لانه له الجلالة والتعظيم ده ربنا يعنى مش حد معاكةى تقولى انا زعلانةمنك

استغفرى الل وتقربى منه جامد ربنا له حكم وشئون فى خلقه وهو الذى يعلم بها وحده تجلى شأنه وعلى اسمه

والفراق والمه موجود بيننا فلا تعتقدى ان من تتحدث هذه لم تفقد بلى وربى فقدت ابى رحمه الله لكننى لم افعل مثلكواوجه لربى اللوم لانى لا اقوى على ذلك فلله ما اخذ ولله ما اعطى
وهذا قضاء الله وقدره
نعم اترجع الالمولكنى راضية ومؤمنة بقضاء الله
وانكان سيد الخلق سيدنا محمد اختاره الله وتوفى صلى الله عليه وسلم
الن يتوفانا نحنونحن بشر لا نقوى على الطاعة الا القليل
استغفرى الله ورحم الله محمد

10:56 AM  
Anonymous Anonymous said...

الحقيقه الوحيده المطلقه فى الدنيا هى الموت
وكلنا هنموت ..البقاء لله وحده واهم حاجه هى الايمان بقضاء ربنا و قدره

2:52 AM  
Blogger Simsima said...

أنا كمان يا رضوي زعلانه منه أوي
حاولت أكتب حاجة عن محمد مقدرتش أكتب غير انه مات
عرفت الخبر وجريت ع المستشفي وشفت سالي ومامته واخواته واصحابه وكلهم حاسين بالضياع
قد كدا احنا ببلاش وأخرتها يا حمد حادثة عربية ، ومحدش هايتحسب علي موتك ، صاحب العربية اللي خبطه موته وجري. .بذمتك مش موته كلابي ، أخرتها في المشرحة
أنا كان عندي معاه معاد يوم الأربعاء ورحت المعاد بس هوا كان في خشبة الميتين مش عارفه أقولك ايه يا رضوي
أنا مخنوقة أوي

6:31 AM  
Blogger Bou-ME said...

البقاء و الدوام لله وحده... فعلا أمر شعور هو فراق أحد عزيز عليكي... ربنا يسكنه فسيح جناته و يجعل قبره روضة من رياض الجنة و لا يجعلها حفرة من حفر النار... اللهم أمين

5:11 PM  
Anonymous Anonymous said...

مافيش داعي لقول لكلمات لن تقدم ولن تؤخر...بل قد تؤذي الميت في قبره بكلام اهله هذه الكلمات


ومافيش حد بيموت فطيس..ومافيش موتة بتيجي كده


جاء في حديث كعب بن عجرة رضي الله عنه قال : مر على النبي صلى الله عليه وسلم رجل ، فرأى أصحابه من جلده ونشاطه ما أعجبهم ، فقالوا : يا رسول الله ، لو كان هذا في سبيل الله ؟ قال رسول الله صلى الله عليه وسلم : إن كان خرج يسعى على أولاده صغاراً فهو في سبيل الله ، وإن كان خرج يسعى على أبوين شيخين كبيرين فهو في سبيل الله ، وإن كان خرج يسعى على نفسه يعفها فهو في سبيل الله ، وإن كان خرج يسعى رياءً ومفاخرة فهو في سبيل الشيطان " رواه الطبراني ، صحيح الجامع 2/8 .


فإن كان الخروج خالصا لوجه الله...كان الثواب المؤكد

وان لم يكن فادعوا له بالرحمة...فرحمة الله وسعت كل شئ

لكن كل هذا الكلام لن يفيد




مرة أخرى

لله ما أعطى ولله ما أخذ وكل شئ عنده بمقدار

وان العين لتدمع وان القلب ليحزن ..ولا نوقل إلا ما يررضي ربنا..ونا لله وإنا إليه راجعون

ده كان قول النبي - صلى الله عليه وسلم - عند المصيبة

3:41 AM  
Blogger radwa osama said...

الصارم الحاسم
للاسف انت مش قادر تفهم انا عاوزه اقول ايه ..مش قادر تفهم احساسى ..مش قادر تفهم ازدواجيتى الوجدانية ما بين الزعل من ربنا وحبه ..عارفه الاحاديث اللى بتكلم عنها وعارفه ان محمد كان نازل يقبض المعاش بتاع ابوه لامه وعارفه انه ادفن مع طفل ومات شهيد ..بس كل ده حاجه وحرقة امه ومراته وهى بتقول كانت قصة حلوه وانتهت ده كوم تانى ..للاسف مش هتفهم ده

4:11 AM  
Anonymous Anonymous said...

وليه متاكدة اوي اني مش هفهم


يا مدام رضوى والله فاهم...وفاهم كويس اوي اوي حضرتك بتفكري ازاي....وفاهم انك بتفكر يفي التجاهين ....وفاهم انك بتحبي ربنا جدا

حتى اسألي عمرو
(:


لكن..انما الصبر عند الصدمة الأولى..ده قول النبي..وقد تضيعين-تضيعوا ذلك بمثل هذه الكلمات


والتفكير بهذه الطريقة مدخل خطير من مداخل الشيطان


كلامي من باب المناصحة الأخوية في الدين..اللي ربنا اوصانا بها في القرآن

فقط

5:45 AM  
Blogger radwa osama said...

ومن باب المناصة الاخوية الاجتماعية يا ريت ما تقوليش يا مدام علشان بكره الكلمه ده جدا ..اسمي كما ذكر فى شهادة ميلادى رضوى ولا احب اية القاب بيولوجية تسبقة ..شكرا على نصيحتك

7:33 AM  
Anonymous Anonymous said...

ماكنتش اعرف انك بتكرهيها

وما باعرفش انادي فتاة غريبة عني بدون لقب...من باب الاحترام....ومتهيألي هتكرهي كلمة أخت أيضا


هشيل ده من ده..ورسالتك وصلت ...ولا تزعلي....وهأخلي نصايحي في قلبي فيما بعد

8:16 AM  
Blogger radwa osama said...

سورى ..يمكن انا حاده معاك لانى حسيت بوعظ منك مش انك حاسس بمشاعرى تجاه واحد بحبه جدا ومتوحدة مع مراته ..ولو مش قادر تنطق اسمى من غير لقب ممكن تقول استاذه ..مع انى ما بحبش حد من اصحابنا يقول كده لكن اهى ارحم من مدام بالنسبة لى ..ويا سيدى بلاش نشيل ده من ده ..مش عايزه ابقى منافقة واقولك بتفرحنى تعليقاتك بس على الاقل بحترمها ..تقبل اختلافى وصدقنى هحاول اعمل ده

8:27 AM  
Anonymous Anonymous said...

كأن مفيش حاجة حصلت


والله يعلم اني لا اقول ده بغرض وعظ مسرحي لا سمح الله...نفس الكلام بقوله لأي قريبة لي في اي حالة مماثلة مهما كان شعوري انا شخصيا...فلا تخلو عائلة من مثل هذه الحالات


ياريت تهدي صاحبتك قدر ما تستطيعين وتحاولي تمسكي نفسك امامها..وتصبريها على قضاء ربنا


ام سلمة اما مات زوجها ابي سلمة ...علمها النبي دعاء..اللهم أجرني في مصيبتي واخلفني خيرا منها...دعت الدعاء وقالت في نفسها من خير من ابي سلمة...بعد فترة قصيرة تزوجها النبي صلى الله عليه وسلم

10:25 AM  
Anonymous Anonymous said...

على فكرة ..الخوف اللي عند حضرتك عايشته مع شقيقتي الكبرى ايضا ...والحمد لله بعدما اعتمرت مرة ومرتين تحسنت الأمور كثيرا

وربنا لا يحكم على احد بمثل هذا الموقف ...ويصبر من اصابهم

10:52 AM  
Blogger بنت أبيها said...

البقاء لله


وربنا يلهم اهله الصبر والإحتساب


وييسر لك امورك ... ويلهمك الاحتساب والصبر برضوا


وهيه اهى هيه دى الدنيا

8:25 AM  
Blogger بنت القمر said...

حبيبتى رضوي ميرسي يا قمر على زيارتك لمدونتى المتواضعه انا ما بالنسبه لموضوع الزعل من ربنافاعتقد انه مش واقعي لانه العلاقه حاشا لله مش متكافئه... وبالتالي الزعل هنا معناه الدقيق عدم الرضا بالقدرولكن يارضوىاحنا مش حمل زعله ربنا هو اللى مدينا العين اللى بتشوف الشاشه والاصابع اللى بتتحرك على الكى بوردفالرضا واستيعاب الامورهو الاختيار الوحيد لانه دايما فى الاسوا اللى احنا مش قدة انتى بس حساسه

5:16 PM  
Anonymous Anonymous said...

eeh elhabal elli 2enti feeh da

meneen 3ayza elnas te7termik w enti aslan mosh me7terma nafsik w betkalemi rabena bel2oslob elwake7 da

3:06 PM  
Anonymous Anonymous said...

w elli yeghez en kol elbahawat elli dakhalo ye3ala2o beywasoki mosh beyensa7oki ezay te7aseni 2oslob kalamik 3an allah

raben yer7am mohamed w yesabr ahlo w yehdeki 2abl mat7asaleeh
w yehdena kolena 2abl manmooot 3ashan elmot 3alena 7aaaaa2

3:08 PM  
Anonymous Anonymous said...

enti za3lana men rabena 3ashan zamelik mat 2omal lama 2enti temoti hate3meli eeh ma3a rabena??

3:12 PM  
Anonymous Anonymous said...

لا حول ولا قوة الا بالله العلي العظيم

لم توفقي في اختيار البوست

والبقاء لله وانا لله وانا اليه راجعون

10:28 PM  
Anonymous Anonymous said...

لم توفقي في اختيار البوست

اقصد عنوان البوست
انما البوست في معاني عميقه جدا واحاسيس صعبة

10:30 PM  
Blogger Bassma said...

البقاء لله يا رضوي ..صدمتني السطور .. الفقد .. الموت ..
انا ماقابلتش محمد و سالي غير مرات معدودة من سنين لما كنت باشتغل في تصميم المطبخ بتاعهم .. مطبخهم كان من اول المطابخ اللي اشتغلت تصميمها

2:01 AM  
Blogger سيزيف مصري said...

حاجات كتير تخلينا نزعل من ربنا زيك. لكن في النهاية تكتشفي إن في حاجات كتير لازم تقبليها، عشان الحياة تستمر، لأنك لسه ماخترتيش تكون النهاية بإيدك انتي، ويخلص كل شيء. بس اللي ممكن تعمليه إنك تخلي الحياة ألطف بالنسبة لسالي وآدم ومحمد نفسه، وإذا كان في حاجات غصب عنك، فبتحاولي تخلي الحياة أكثر احتمالاً، وما تسألينيش إزاي. هو ده سلاحنا الوحيد، نبقي مع بعض، وده ممكن يكون تحدي للموت، علي قدنا طبعاً
البقية في حياتك

8:56 AM  
Blogger AbdElRaHmaN Ayyash said...

رضوى
دايما أحاسيسنا بتكون مختلفة
لكن المشكلة اننا بنتعامل مع ربنا كأنه بني آدم زينا !!
المشكلة اننا مش قادرين نتخيل اد ايه احنا صغيرين و فكرنا قصير و مش هنقدر نفهم حكمة ربنا
يااااه يارضوى
بصي كده في حياتك
شوفي كام حاجه انتي مكنتيش عاوزاها تحصل و لما حصلت كانت احسن مليون مره ليكي
ممكن نتألم في الاول
ممكن نزعل على فقد انسان غالي علينا
لكن دايما هنفضل راضيين بقضاء ربنا
مش لأننا مؤمنين و مش بنغلط و ملايكة ولازم نعمل و نسوي
لا .. بكلمة بسيطة اوي
لأننا بشر
و ده ربنا
بصراحة كلمتك دي صعبه اوي
بس انا واثق انه هييجي وقت و انتي فكرتك هتتغير
و ممكن .. ممكن وقتها تبقي تغيري العنوان
سلام

8:38 PM  
Blogger m_kh said...

AL SALAMU 3ALAIKUM..
first of all I just want to tell you انا احبك في الله
and this is because we should love each others for things that we have in common
and we both do love Allah the merciful.
AND.. this would make me tell u that u have commited a great mistake. If you really believe in Allah 3aza wa gal then you do believe that he's the most wise and the most merciful and that whatever he does and decides is of great mercy and of great wisdom.
the problem is that we should not always understand the purpose of things happening around us because our minds and visions are too limited. and our snob as thinking creatures would make us feel that it's our right to object, well it's always our right to object and get ubset of people.BUT NEVER WITH ALLAH.
I understand that you do have contradictive feelings a mix that people would not understand. but whatever were your feelings, your wisdom, your vision you should take care of every word and every feeling concerning Allah the greatest. because the word ( ana za3lana men rabena) would be a great deny of his wisdom and would disfigure Allah into a lower degree, a human being degree ( wa ta3ala allah 3aza we gal 3an zalek).
Finally, I would like to clarify something, that ( al ebtelaa) is something that doesn't necessarily target people who are not religious or bad people, for our beloving prophet sayedna we 7abeebana we shafee3ana mohamed ( sayed al khalq) , his OWN AND ONLY SON DIED!
we just have to know and admit that allah has got purposes that might be clear to us and might not be. but all we should do is keep our faith and always thank allah and be certain that what allah decided is the best to us even if our tiny minds couldn't take it.
my loving radwa, try to read alot about al (ebtelaa).
al salamu 3alaikum.

9:45 AM  
Anonymous Anonymous said...

انا معترضة علي العنوان ده ربنا اللي يزعل منك و اه صحيح اللي عنده حالة و فاه بيعد يكتب مواضيع
ايه الهبل ده؟؟؟؟؟؟؟؟؟

10:15 AM  
Anonymous Anonymous said...

ايه الهبل ده؟؟؟؟

10:17 AM  
Anonymous Anonymous said...

استغفر الله العظيم
الناس اتهبلت فعلا
مش كلهم هو انت بس!!!!!!!!!!!!!!

10:19 AM  
Anonymous Anonymous said...

اعتزالي عن التدوين احسن

10:28 AM  
Anonymous Anonymous said...

كل الناس ممكن ينادوكي بالقب ده يا جاهلة التدوين

10:30 AM  
Anonymous Anonymous said...

عندما اتطلعت على مدونتك للمرة الأولى أعجبتنى كثيرا. و لكنى سأعلق على هذا بالذات تعليقا متواضعا. أنا لا اعرف لما الهجوم على عنوان البوست بهذة الطريقة متهمين اياك بالجهل والهبل. أى طريقة هذة؟ أنا عن نفسى فقدت بعض من الأحباء و عندما قرأت البوست ظللت أبكى و أتذكر ذاك الشعور المؤلم. ألم الفراق و عدم الوصل. نعم الصبر عند سماع الخبر و الاحتساب حثنا عليه الرسول عليه الصلاة و السلام و لكن هل كا منا يقدر؟ ويكمن الألم عندما تشعرين بأنك أردت رؤية ذلك الشخص و لكن القدر لم يسعفك و لم يعط لك الوقت لكى تعبرى لهم عن تقديرك و مدى اهميتهم فى حياتك. أعتبر البوست مناجاة لله. فالأنسان أحيانا يكون ساخطا فى أول الأمر وهذا ليس معناه الاعتراض أو عدم تقبل الأقدار أو تفسيرها كما يحلو للبعض على أنه هبل أو سفه أو جنون. لما أصبحنا نحكم على كل شىء من وجهة نظر الدين فقط؟ وهل يلغى الدين انسانيتنا؟ لا أعتقد.
سأقول لك شيئا جانبيا: دائما ما يحدث لى هذا. أن بطبيعتى متشائمة و عندما يرى الناس ذلك يقولون: أنت لا عندك أمل فى رحمة الله. أنت ساخطة. الله لم يأمرنا بالتشاؤم و و و . و أنا لم أضع فى ذهنى هذا و لا فكرت بتلك الطريقة أبدا
أتمنى لك التوفيق و مزيد من النجاح و اكتبى اكتر

1:56 AM  
Blogger حبة حاجات (ايمان) said...

استغفرى الله
لا اله الا الله

4:49 AM  
Blogger mostafa rayan said...

علي فكرة يارضوي ربنا مابيهزرش مع حد
والكلام اللي انت بتقوليه دة يعني مايصحش يتقال ومهما كان حزننا علي
فراق حد احنا بنحبه ماينفعش نحاسب ربنا ونقوله ليه عملت كدة
ربنا بيحاسب الناس لكن العكس لاء
ماينفعش اننا نعترض علي اوامره وحني لو اعترضنامافيش بأدينا حاجة نعملها
الاحسن انك تتطلبي المغفرةوالرحمة للأستاذ محمد ولكل موتي المسلمين
استغفري ربك وياريت لوتغيري عنوان البوست
او الأحسن تلغيه

9:51 PM  
Anonymous Anonymous said...

اولا يا رضوى البقاء لله

ثانيا انا كنت هدخل ارد عليكي عشان اتدايقت من عنوان البوست
ومن الناس الي دخلت تكرر الكلمة الي انتي قلتيها في لحظة الصدمة

لكن يا anonymous
ياريت بلاش تغلط في رضوى
هيا اكيد عبرت عن الي حساه بطريقتها
وطريقتك المستفزة دي ممكن تخلي الواحد يتمسك بالغلط بالعند
فياريت بلاش غلط وكلام ملوش لزمة


البقاء لله تاني يارضوى
اصبري واحتسبي
ولو احنا الي هنقول اننا زعلانين من ربنا بعد كل فضله ونعمه ورغم كل جحودنا وعندنا
اومال ربنا زعله مننا يبقا شكله ازاي؟؟؟

ربنا يصبر قلبك ويلهمك حسن القول والعمل

مايا

4:35 PM  
Anonymous Anonymous said...

~「朵語‧,最一件事,就。好,你西....

5:39 AM  
Blogger oakleyses said...

vans shoes, nfl jerseys, wedding dresses, ghd, celine handbags, longchamp, ugg boots, abercrombie and fitch, lululemon outlet, uggs outlet, herve leger, ugg pas cher, chi flat iron, ugg australia, north face outlet, canada goose, north face jackets, mont blanc, giuseppe zanotti, canada goose jackets, beats by dre, ugg, mcm handbags, valentino shoes, new balance shoes, instyler, soccer shoes, babyliss pro, ferragamo shoes, mac cosmetics, rolex watches, insanity workout, p90x, bottega veneta, jimmy choo outlet, canada goose uk, canada goose, nike huarache, canada goose outlet, canada goose, reebok outlet, ugg boots, soccer jerseys, hollister, asics running shoes, birkin bag, marc jacobs, nike roshe run

6:12 PM  
Blogger oakleyses said...

air max, juicy couture outlet, parajumpers, toms shoes, vans, moncler, montre homme, converse, pandora charms, pandora charms, moncler, thomas sabo, gucci, moncler, moncler, baseball bats, juicy couture outlet, hollister, ugg, wedding dresses, links of london, oakley, swarovski, moncler, pandora jewelry, moncler outlet, lancel, canada goose, louis vuitton, iphone 6 cases, karen millen, ray ban, moncler, rolex watches, supra shoes, hollister clothing store, converse shoes, air max, canada goose, hollister, timberland boots, louboutin, ralph lauren, swarovski crystal, coach outlet store online, ugg

6:18 PM  
Anonymous Edidiong Ekpo said...

If someone sees this piece of work and ignores it without stopping to say thank you to the admins who had put this together, personally I will see such an individual as an ungrateful person. From all of us at
Loan Money Apps we say thank you.

Read this:
Okash Loan App Download For Android And iPhone

11:20 PM  

Post a Comment

<< Home

eXTReMe Tracker