Sunday, April 15, 2007

براء ودعاء اتجوزوا

لم يكن أمامنا خيار آخر عندما اتفقنا على الذهاب لفرحهم ..عادة ما نتبادل النقاش انا وعمرو عند قرار الذهاب إلى أي فرح وأظل أقنع فيه بجدوى حضور الفرح ، لكن هذه المرة وجدته متحمسا جدا وإعتذر عن الذهاب الى المحلة لحضور فرح دعاء وبراء ..

تملكني إحساس عجيب في هذا الفرح ، جيلنا بيتجوز .. ذلك الجيل الذى كان منذ سنوات يحلم بلقاء نصفه الاخر والنجاح بمجموع فى الثانوية العامة ودخول الجامعه و.............. .

طوال الفرح وأنا انتظر أحد الكبار يأتى لياخذ دعاء ويجعلها ترتدى ملابس النوم لينتهى لعب العيال وتعود لغرفتها علشان هى صغيرة ولا ينسي ان يوصى احد الكبار الأخريين ان يعيدني الى أهلي لان لعبتنا طولت شهرين ونصف وكفايه كده.

يااااااه كبرنا الى الحد الذى نتبادل فيه حضور أفراحنا ..منذ شهرين ونصف كان براء يكتب عن فرحنا ..واليوم أكتب عن حلمهما الذى تحقق ..

ربما أكتب عن براء ودعاء الل كل ما اشوفهم أفرح وابتسم من غير سبب .. أكتب عن دعاء البنوته النشيطه بنت البلد بجد اللى جايه من بلدهم علشان تحقق حلمها ويمكن تكون أجدع واحده فى ده .. دعاء الشامى الطفله الصغيره الي ربنا خلق فى تكوينها مزيج من الطفولة والامومة ..تركيبه عجيبه تحسسك بالامان .. ظللت أتامل فى تصرفاتها فى الفرح وتلك الرغبة فى إرضاء الجميع والاطمئنان عليهم ..البت جادعه وتستاهل الواد براء ..دايما أقول ان براء ده فى ظرف سنين هيبقى حاجه مهمه .. يمكن تتفق معاه او تختلف لكنك لازم تحبه ..تركيبه تتحب ..بحب حبه لدعاء .. براء ودعاء جزء من جيل جديد بننتمى ليه .. كلما أتامل جيلنا أفرح وأفخر إن أحنا كده ..دعاء وبراء ..أنا وعمرو .. علاء ومنال .. زياد وهبه ... مالك ورشا .

وإحنا فى الفرح كان فى واحده قريبة دعاء عماله تتكلم عن ان ده آخر ليله ليها تعمل فيها اللى هى عايزاه لانها هتتجوز .. كان نفسى اصحح لها معلومتها وأقولها ده هتتجوز براء .. براء ده من جيلنا ..اصل احنا جيل مختلف .. لكنها ما كنتش هتفهم

لما كان بابا بيحكيلى عن عمو فلان ويقولى ده من جيلى ، كانت أول حاجه بتيجى فى بالى انه من نفس سنه .. ما رنتش فى ودنى كلمه جيل الا مؤخرا .. بدات افهم معنى اننا نعرف بعض وبنتبادل الزيارات وبنحضر مظاهرات وحفلات وندوات وبعد سنين هيكون عندنا عيال يعرفوا بعض وبراء ومالك وعمرو هيبقوا عمو .. وأكيد هقول لابنى ان براء ودعاء دول من جيلنا .. وساعتها هيفهم اننا من سن بعض لكن هيحسها لما يحضر فرح حد من جيله ..اللى مر بنفس ظروفه وبيفكر بطريقه مختلفه زيه وهتلاقيه برضه هيروح يحضر فرحه وهو مبسوط وفرحان .. ويعمل زى ..كل ما اشوف حد اقوله انا حضرت فرح براء ودعاء ..اصل براء ودعاء دول من جيلنا .

21 Comments:

Anonymous Anonymous said...

الف مبروك ليهم بجد حاجه حلوه ان الواحد يشوف ناس من جيله بيتجوزو وبيخلفو كمان

انا شفت الحكايه دي كازا مره وفي كل مره بحس بشعور لذيذ وبسرح شويه في ان انا كمان في يوم من الايام احتمال اتجوز وبسرح زي الاطفال في الفستان والزوج المنتظر وبعد شويه برجع اترعب من الفكره واشيلها من دماغي
كل مره علي الحال دا
علشان كده مبحبش احضر افراح كتيير

:D
شيدي حيلك انتي بس وهاتي اللي يقول لعمرو يا بابا ولمالك يا عمو ويقلي انا يا تيته
:D

7:13 AM  
Blogger Organica said...

شكرا علي الموضوع يارضوي

ومبروك للعروسين

7:18 AM  
Anonymous Anonymous said...

الله بجد يارضوى جميل جدا انك تعبرى عن فرحتك باصدقائك الف مبروك ليهم وربنا يتمم بخير يارب

7:32 AM  
Blogger Dananeer said...

الله عليكى يا رضوى
فعلا جيل مختلف
يفرح
صورتكم حلوه
ربنا يتمملهم بخير

8:24 AM  
Blogger مـحـمـد مـفـيـد said...

والله يا رضوي بتبقي من اجمل لحظات الانسان انه يجد اصدقاءه واحبابه يحصلون علي هدف خططوا له وكافحه من اجله

انا زعلان جدات لاني بجد مش قدرت اجي لانك عارفه الظروف اللي عندي بس لما كلمت براء لاقيته طاير من الفرحه
بارك الله لهموبارك عليهم وجمع بينهم في خير

5:25 PM  
Anonymous Anonymous said...

أنا بعلن حق الملكية الفكرية في موضوع جواز شباب اليومين دول بما أننا لينا الأسبقية 5 سنين كاملة

و بقترح بدء حملة مركزة لتزويج مالك و رشا و بسرعة

6:57 PM  
Blogger الســـاحر said...

طبعا فى البدايه انا بقولك الف الف مبروك
ويارب يجعل ايامك كلها فرح
وانا اسعدنى زيارتك وياريت تشرفينى بالزياره
وفى النهايه سلامى وربنا يوفقك

12:46 AM  
Blogger نورهان مفيد said...

يارب كل اتنين بيحبوا بعض بيجمعهم هدف واحد وحلم واحد انهم يجتمعوا علي خير
ويحققوا حاجة كويسة مبرووووك وربنا يتتم لهم بخير

2:16 AM  
Blogger البراء أشرف said...

مرسي يا روضي.. أنا بجد كنت فرحانة قوي إنكم موجودين.. وقعدت أدور بعنيا على كل الناس اللي أعرفها وجت عشان تشاركني فرحتي.. عقبال ما نيجي في سبوع الواد.. ومستنينكم في شقتنا عشان تدوقوا طبيخي وخصوصا الفراخ بالبطاطس..

...........

رضوى.. السطور اللي فاتت من دعاء، أملتهم عليا وهي قاعدة جنبي.. مش هقدر أزود كتير على كلامها.. أقولك بس.. متشكر قوي..

براء

11:10 AM  
Blogger مُصْعَب إِبْرَاهِيم said...

أنا لسة فايق من اللي حصل..
الأسبوع ده كان حلو أوي، ومليان أوي
لدرجة إني ما قدرتش أدخل مدونتي وأكتب حاجة وسبقتوني انتوا..

رضوى شكرا على التدوينة دي بجد
أنا حبيتها أوي

أما براء ودعاء مهما قلت وعدت وزدت مش هأعرف أوصف قد ايه أنا فرحان

3:51 PM  
Blogger 3aziz 3eni said...

الف مبروك

5:08 AM  
Blogger Eman M said...

و احنا بعد علاء، انا و عزبى بقالنا سنة

و برضه ... لازم نجوز مالك و رشا بسرعة

6:11 PM  
Blogger Nouran said...

مبرووووووووك ليهم يجد

4:24 PM  
Blogger Nouran said...

انت مش حاطة بنت عمي حاطة البت اختي طب نوهي عن اي حاجة اااه كل ده علشان ض رياضة اهئ اهئ

4:29 PM  
Blogger radwa osama said...

لا واله يا نور مش بعرف احط ..محمود هو اللى حطهم وبعدين علمنى ازاى ولانى ض رياضه طول عمرى ما فهمتش هخلى عمرو يكمل باقى اللنكات ..وحشتينى

1:51 AM  
Anonymous Anonymous said...

ألف مبروك و ليحيا قانون الإيجار الجديد اللي خلى الشباب يعرفوا يتجوزوا

11:51 AM  
Blogger ام مليكة said...

مرسي يا رضوى ربنا يخليكي لي يارب يارب واشوف النونو بتاعك انت وعمرو قريب قوي بس نتفق بقى نخلف عكس بعض عشان الجواز والحركات دي
معلش مكنتش عارفه اعلق براء كان عامل سطو على اللابتوب بتاعه بقى سلمي على عمرو وتدوينة القايمة دي هايلة

4:36 AM  
Anonymous Anonymous said...

~「朵語‧,最一件事,就。好,你西....

5:42 AM  
Blogger 芳芳葉 said...

; 

婚;

2:10 AM  
Blogger Unknown said...

2015-10-24leilei
Louis Vuitton Handbags Discount
Louis Vuitton UK
michael kors outlet
Coach Outlet Store Online Clearance
nike trainers
hollister clothing
Ugg Boots Outlet Clearance,Cheap Uggs On Sale Discount For Women
nike air max 90
Christian Louboutin Sale For Men And Women
Toms Outlet Shoes
Coach Factory Outlet Store Online
Michael Kors Outlet Discount
Louis Vuitton Handbags Outlet Stores
Louis Vuitton Outlet Online Shop
uggs sale
louis vuitton
uggs outlet
Michael Kors Handbags Outlet
toms outlet
montblanc pen
hollister uk sale
Canada Goose Outlet,Canada Goose Outlet Online,Canada Goose Clearance
Louis Vuitton Handbags On Sale
timberland outlet
ugg boots sale
Gucci Outlet Shoes Online
Jordan 4 Retro For Sale
michael kors outlet
ray-ban wayfarer
canada goose jackets
michael kors outlet
uggs sale
ugg boots
Louis Vuitton Handbags & Bags Outlet Online
Kobe Bryant Shoes On Sale

1:26 AM  
Blogger 柯云 said...

2016-03-30keyun
oakley sunglasses
cheap jerseys
canada goose outlet
michael kors handbags
jordan concords
michael kors outlet online
kobe 9
louis vuitton outlet
uggs on sale
michael kors
louis vuitton
ralph lauren outlet
jordan retro 11
gucci belt
ralph lauren
louis vuitton outlet
jeremy scott shoes
rolex watches
cheap oakley sunglasses
toms shoes
marc jacobs handbags
toms shoes
ray bans
michael kors outlet
coach factory outlet
designer handbags
tory burch outlet online
michael kors handbags
asics outlet
hollister kids
michael kors uk
hollister clothing
michael kors outlet
oakley sunglasses
louis vuitton
cheap oakley sunglasses
oakley sunglasses
coach outlet store online
ray ban sunglasses

11:09 PM  

Post a Comment

<< Home

eXTReMe Tracker