Wednesday, February 07, 2007

محاولة للخروج من الذات

يزعجني جدا هؤلاء البشر الذين لا يجيدون الحديث الا عن انفسهم ..اعترف بانني احد هؤلاء ، لكنني اسعد جدا حينما احزن علي احدهم فيعصرني الالم ..بالامس كنت اقرا في نصوص اسامه الدناصوري الاخيره كلبي الهرم كلبي الحبيب" هذا الرجل رحل في موعده ، تنبا بموته وصدقه ورحل ..عصرني الالم وانا اقرا نبوءاته ليست المرة الاولي لي في قرائتها لكنها المرة الاولي التي اقراها كامله في كتاب بعد ان نشرت منها اخبار الادب اجزاء ، كما انها المرة الاولي التي اقراها وانا زوجه ..حاولت طوال قرائتي للنصوص التخلي عن رضوي والتوحد مع اخرين ..تارة اجدني امه وادعو له بالغفران لانه لم يكن يصلي واؤكد لنفسي انه لم يكن كافرا بل مؤمنا بالله كما حدثني في زياراته الاخيرة ..تارة اتوحد مع سهير زوجته ، ابكي علي فراقه وعن مساحه تركها خاوية في حياتي وعن ابناء لم ننجبهم بعد وعن كتابات لم اقراها جيدا ، اكاد اتلمس تلك البطانية التي تخصنا معا وابحث عن رائحته ..لم اتوحد مع هؤلاء فقط بل توحدت مع ممرضته ومع اصدقائه ..رحل اسامه الدناصوري دون ان اراه ، فسبق وكتبت عنه في المدونه وارسلت ما كتبت متوقعه انه لن يهتم لكنه ارسل لي شاكرا مع رغبة في اللقاء ..تلك الرغبة التي تنطلق منك عادة مع اناس لا تعرفهم وربما لن تعرفهم و لكنك ستفهم معناها بعد رحيل احد الطرفين ..اسامه الدناصوري اعتذر بانني لم اهتم بالدخول الي عالمك واكتفيت بالتلصص عليه من داخلي

14 Comments:

Blogger قلب يحترق said...

رحمه الله و اسكنه فسيح جناته

ربما يكون الخروج من الذات فرصة جديدة في عالم المعرفة خصوصا فيما يختص بعلم النفس و فيما يختص بالشخصيات التي تحيا في قلوبنا ونري ضرورة التعرف عليها أمر ملح لا يجب التخلي عنه

احييكي علي الموضوع وارجو انك تديني لينك للاستاذ اسامة الدناصوري
بمكن انا كنت دخلت علي لينك انتي كنتي كتبتيه في المدونة اللي فاتت بس لو في سايت اتمني انك تسيبي اللينك بتاعه

تحياتي

3:34 AM  
Anonymous Anonymous said...

قرأت في كتاب قبل كده اسمه
The art of Speaking
إن الانسان بيتخلص من جزء من همومه واضطراباته النفسية حينما يحسن الاصغاء الي هموم الآخرين والمشاركة في حل مشاكلهم.

تدوينتك التي تأتي بعد أيام من زواجك المبارك بإذن الله تحمل غشاوة من النضج المصاحب للحالة الانسانية الجديدة التي تعيشينها مع عمرو والتي ستشكل عما قريب طبقات بعضها فوق بعض تساعدك علي اكتشاف نفسك أكثر واكتشاف من حولك.

في جملة في تدوينتك عجبتني: "لكنني اسعد جدا حينما احزن علي احدهم فيعصرني الالم" حكاية بجد. كتبتيها ازاي دي؟؟؟

7:05 AM  
Anonymous Anonymous said...

الله يرحمه ويصبر اهله وحبيه وقرائه
عارفة يارضوي في كل جزء من البوست تخيلت بتحساسك انك فعلا مراته فتكلمتي عن احساسها وابنائه ثم مرضته وحاولتي توصلي في الاخر اهم حقيقة في حياتنا اننا مبنعرفش قيمة الشئ الا اما نفقده ويضيع من ايدينا
رحل بجسده فقط ولكنه باقي بافكاره وبمحبيه
وطول مافي حد زيك بيقراله هيفضل موجود مبروك علي اول بوست وانتي مدام مبروك ياعروسة

12:57 PM  
Blogger halwasa-masrya said...

غريب احساسى بالتدوينة دى اوى .. مش عارفة ليه حسيتك بنته

اسلوبك جميل اوى .. سهل وقريب للقلب كده
مبروك على الجواز يا جميلة.. ربنا يهنيكى بحياتك

12:20 AM  
Anonymous Anonymous said...

انت انسانة جميلة يا رضوى ودايما البشر المرهفى الحس عندهم القدرة على التوحد مع الآخرين لكن نصيحتى ليكى انك ما تستغرقيش فى التوحيد ده قوى علشان ممكن يجيب اكتئآب

5:30 PM  
Anonymous Anonymous said...

ونسيت اقوللك مبروك على الجواز ويا رب تحققى مع عمرو كل حاجة بتتمنيها

5:34 PM  
Blogger L M A R said...

صباح الخير
بداية الف الف مبروك على الزواج وعقبال الكتاكيت ياااارب


وربنا يرحم الأستاز اسامة يارب ويصبر الاى بيحبوا ..



تحياتى
.العَبدِالرَحَمن

2:40 AM  
Blogger عازفة الكمان said...

ليه يا بنتي النكد ده بس بجد كلامك اثر فيا قوي رغم اني معرفش الراجل لكن الله يرحمه بس بجد وحشني انك انتي اللي تقري لي البوست وتشديني وتقوليلي تعالي لم اقرالك البوست اللي كتبته وانا اقولك ورايا مذاكره بجد مفتقداكي جدااااااا

11:18 AM  
Anonymous Anonymous said...

السلام عليكم ..ازيك يارضوى
البوست عجبنى جداااااااا,بجد جميل
ويمكن اللى شدنى ليه انى زيك وانى فعلا بفرح لما احزن على حد او احزن معاه على حزنه واخرج بره شرنقة نفسى وافكارها ومشاكلها والآمها..و يمكن عشان كده حسيت انى شايفة نفسى فى البوست وحسيت ان انا اللى بكتبه وخصوصا وانتى بتتكلمى عن توحدك مع كل شخصية وانك انفعلتى بانفعال الشخصية دى"قوى قوى "
بجد البوست فيه قيمة مهمة ومشاعر "شفافة"وخاصة ومميزة..شكرا للدقائق اللى قضيتها معاكى والاحاسيس اللى شاركتينى فيها وشاركتك ..ربنا يوفقك ويرحم اسامة الدناصورى ويغفر له اللهم آمين هو وجميع المسلمين..
ملحوظة:1-هو ميقدرش يتنبأ بحاجة ,ممكن نقول انه كان حاسس بده
2- من البوست اللى كان قبل كده عنه اعتقد ان والدته هى اللى كانت حاسة بده وخايفة منه ,مش هو ..صح؟
تحياتى لك

11:27 PM  
Blogger salwa hegazy said...

ممكن متكنش عيشت ايامها ولا رن في ودنك صوتها الحنين و هي بتقول يا حبيابي يا حلوين
بس اكيد سمعت عنها استهويتك مرة حواديتها او شعرها او لقائتها اكيد قريت نهايتها المؤلمة
احي ذكراها يوم 21فبراير اديها فرصة تعيش في قلوبنا تاني متخليش ذكراها تموت

12:24 PM  
Anonymous Anonymous said...

السلام عليكم
يامدام رضوى رغم انى عارفه انك بتزعلى من كلمه مدام بس مش هينفع نقول غير مدام
البوست جمبل اوى اللى شدنى للبوست هو احساسك الجميل وانك فعلا انسانة حساسه
رغم انى معرفش الاستاذاسامه لكن رحمه الله واسكنة فسيح جناته

4:32 PM  
Anonymous Anonymous said...

بجد احساسك جميل ورقيق اوى يارضوى انا بجد لم اعرف ذلك الرجل ولكنى تاثرت كثيرا من كلامك
ربنا يرحموا وان لله وان اليه راجعون
ام عهد

8:22 AM  
Blogger oakleyses said...

vans shoes, nfl jerseys, wedding dresses, ghd, celine handbags, longchamp, ugg boots, abercrombie and fitch, lululemon outlet, uggs outlet, herve leger, ugg pas cher, chi flat iron, ugg australia, north face outlet, canada goose, north face jackets, mont blanc, giuseppe zanotti, canada goose jackets, beats by dre, ugg, mcm handbags, valentino shoes, new balance shoes, instyler, soccer shoes, babyliss pro, ferragamo shoes, mac cosmetics, rolex watches, insanity workout, p90x, bottega veneta, jimmy choo outlet, canada goose uk, canada goose, nike huarache, canada goose outlet, canada goose, reebok outlet, ugg boots, soccer jerseys, hollister, asics running shoes, birkin bag, marc jacobs, nike roshe run

6:18 PM  
Blogger oakleyses said...

air max, juicy couture outlet, parajumpers, toms shoes, vans, moncler, montre homme, converse, pandora charms, pandora charms, moncler, thomas sabo, gucci, moncler, moncler, baseball bats, juicy couture outlet, hollister, ugg, wedding dresses, links of london, oakley, swarovski, moncler, pandora jewelry, moncler outlet, lancel, canada goose, louis vuitton, iphone 6 cases, karen millen, ray ban, moncler, rolex watches, supra shoes, hollister clothing store, converse shoes, air max, canada goose, hollister, timberland boots, louboutin, ralph lauren, swarovski crystal, coach outlet store online, ugg

6:18 PM  

Post a Comment

<< Home

eXTReMe Tracker