Sunday, February 25, 2007

هو احنا ليه مش بتوع ربنا

يبهرني اكتشاف اشياء جديدة في نفسي ، منذ يومين واثناء ركوبي لتاكسي للذهاب الي كنيسة قصر الدوباره بالتحرير لانتظار السيارة التي ساسافر بها الي الوادي..سائق التاكسي كان مسيحي وكنت متوترة طوال المشوار من ان يكتشف انني مسلمه اعتقادا منه انني مسيحيه فانا لست محجبة وساذهب الي الكنيسة ، وظللت اطنطن بكلمات لا تكشف عن هويتي الدينية .. قبلها بيومين كنت اركب مع سائق مسلم وكنت اصف لصديقتي في التليفون مكان كنيسة قصر الدوباره انتابتني نفس المشاعر فخفت ان يعتقد السائق اني مسيحيه وظللت استخدم عبارات يستشف منها ديانتي ..اكره الاختلاف في الدين .. انزعج بشده من التمييز بين البشر علي اساس الدين ، دوما اتسائل عن جدوي وجود الدين ، السنا جميعا مؤمنين بوجود الرب والسنا جميعا نصلي كل بطريقته اذن فلماذا هناك مسلم ومسيحي ..لماذا لا يكون هناك دين واحد وهو دين ربنا ..ربما يتسائل البعض عن وجود اناس من حقهم الا يعبدوا هذا الرب ..ربما اطرح تساؤل اخر ..لماذا لا نشترك جميعا في وجود رب نؤمن به اي كان هذا الرب فليسمي كل منا الهه رب ويؤمن به ويختلي كل منا بطقوسه لكنه يعلن انه بتاع ربنا ونبقي كلنا مشتركين في ذلك ..اكره التمييز علي اساس الدين ، رغم انني اكاد اكون المسلمة الوحيدة في العمل الا انني لا اشعر بوجود اختلاف او تمييز ، اشعر بالانتماء ، اتخفي بين اخرين وابحث عن شىء يجمعنا فالله الذي يؤمن به كلانا يجمع بيننا فيشعرني بالانتماء واشياء اخري طبعا تشترك في ذلك ، لكنني لا اعاني هنا من الام الاختلاف بينما تظهر بشده حينما يسالني احد من الخارج هو انت مسلمه ولا مسيحيه وحينما يعرف ديانتي يسالني السؤال التقليدي طب انت ليه مش محجبه ..فاضطر ان اهتف ربنا يهدينا جميعا .. الهم اهدنا جميعا وقربنا اليك واظهر نورك بداخلنا لننتمي جميعا اليك ..اللهم اغفر لمن يتحدث باسمك وانت برىء منهم جميعا

38 Comments:

Blogger إبـراهيم ... معـايــا said...

مش عارف يا رضوى !! ، هوا التمايز على أساس الدين هوا اللي مفروض ، إحنا كلنـا ف وطن واحد مصريين ، وخلااص ، لكن كون الواحد مسلم أو مسيحي ده مش شيء مهم ، ولا عائق !


أصل مش هينفع نلغي الدين عشان ما يبقاش فيه مسيحي ومسلم !! بس المهم إننا ف الآخر بنلتقي


تخيلي بعدي هنا كثيييييييير ، بس أول مرة أعلق :)



ياللا مش مشكلة

6:01 AM  
Blogger karakib said...

في الأختلاف غني ... تخيلي كنا كلنا سواقين قطر ... يبقي مين اللي هيسافر الأختلاف في المعتقدات الدينيه و القناعات الشخصيه و الشكل الخارجي الخ الخ يعتبر غني و ليس فقرا يعتبر شيء جميل لأنه يولد ثقافات و حوارات جديدة
كل الحضارات القديمه لما أتحدت قامت بصنع فنون و أدب جديد أروع و أبرع من كل الذي سبق زي الأغريق و معابدهم في مصر زي الأندلس و حضارتها .. طبعا لست بصدد هنا تعريف كيفية أتحاد هذه الحضارات و أن كان الأسلوب صحيحا أم لا لكن في مشكله
أيووواان في مشكلة
ايه هي المشكلة!!؟
المشكله تكمن في ثقافة عدم قبول الأخر التي تعمق يوما بعد يوم ... يعني لازم أكون عارف أنه أنا مختلف عن باقي الناس حتي في بصمتي و في خريطتي الجينيه مش بس في أفكاري النققطة بقي لحد فين أنا ممكن أقبل أني أعيش مع واحد مختلف عني ... و المختلف عني ده ممكن يقبل لحد فين أنه يقبل يتعايش معي دون أن يزعجه أختلافي ... هو ده بيت القصيد
صعب أوي كلنا نبقي واحد بس الحل العملي المنطقي أننا نقبل أختلافات بعض و نخليها شيء بيبني مش شيء بيهدم
عذرا للأطالة

8:10 AM  
Blogger Organic-Muslimah said...

(sorry in advance that this is in English)

I agree with you, that we should never discriminate based on one's religion, socioeconomic status, or color of their skin.

But I believe it's okay to be proud of your religion, nationality and culture.

Tolerance is important and that means you can accept others, but still hold on to what you believe in.

And I agree that we all Worship one GOD. But some people find different ways to worship him. Some people have taken idols, people or themselves as partners with Allah. Whatever their method is, the goal is to worship Allah.

I can recognize their religious freedom to practice whatever they please (even if they want to believe that there is NO GOD)..but at the same time, you can be proud and biased of your own beliefs.

Thanks Radwa for a good post again.

5:58 PM  
Blogger ana ga3an said...

عفوا
اعتقد المشكلة لديكي
لست في حاجة لان تخفي عقيدتك امام غير المسلمين
لستي في حاجة لان تندسي بين النصاري في عملك
محاولة الامتزاج
بل عليكي ان تعتدي بنفسك
حتي يحترمك الاخرين
في احدي دول اوروبا وكنت اتحدث مع مهندس كهرباء انجليزي
اخبرني لية في مسلمين منكم لما بيجو
بيشربو خمر وياكلو لحم الخنزير
قلتلة قلة عقل وبيحاولو يختلطو بالاخرين
قالي بس انا عن نفسي اذا وجدت واحد بيطبق عقيدتة كما انزلت احترمة اكثر من الذي يحاول الاختلاط متنازلا عنها

هدانا الله و اياكي

9:13 PM  
Blogger عباس العبد said...

هو انتى مش عايزه الناس تتوقع انك مسيحية ليه
اوعى يكونوا بيمسكوا المسيحيين دلوقتى
و لا ايه يا ست
طمنينيى ضرورى
اولا
احنا بتوع ربنا
ده مصطلح خطا
لأن فى الفكر الشعبى
بتاع ربنا دى يعنى متخلف عقليا
و انا مش عايز ابقى بتاع ربنا
ثانيا
نحن جميعا نعبد اله واحد شئنا ام ابينا حتى البوذيون بيعبدوا نفس الاله
و ان فهمهم له مادى و ليس روحانى مثلنا
ملىء بطقوس و شرائع بنقول عليها احنا " سماوية " ... اما هم فبيقولوا عليها وضعية
تمام
ثالثا
الاخت كراكيب
قديمة شوية
بتتكلم عن ان الاختلاف فى الاديان
بيجيب تنوع و ثراء فى العلاقات و الثقافات
و ده صحيح الى حد بعيد
صحيح مش بعيد قوى بس برضه يعتبر بعيد
المقصود علشان مطولش عليكى ..قولى طول
رغم ان الفكرة قديمة
بس صحيحة تماما الى حد قريب
صحيح مش قريب قوى بس اهو قريب و السلام
رابعا
التفريق على اساس الدين
نوع من انواع التدين العاطفى
انا و اخويا على ابن عمى
و انا و ابن عمى على الغريب
و هو مرفوض لأن التدين العاطفى بيجر وراه بلاوى من نوع
كافر ... و كده و بتاع و شاى بالنعناع
المهم ...ان يكون الانسان
عارف هوه ليه بيركع و بيسجد و بيصلى

فى جملة مشتركة فى التراث الاسلامى و المسيحى
عند المسلمين ...عندكم يعنى قالتها رابعة العدوية
و عند المسحيين ...عندنا يعنى قالها
القديس اغسطينوس
الجملة بتقول
يارب
اذا كنت اعبدك طمعا فى جنة فأبعدنى عنها و اذا كنت اعبدك خوفا من نار فأدخلنى اياها
يا رب اريد ان اعبدك لأنى احبك
فهمتى حاجة
و لا نقول من الاول
اسف ... التعليق طويل شوية
بس التدوينة فعلا تستحق
امضاء
واحد بتاع ربنا

10:50 PM  
Blogger radwa osama said...

الاخ الجعان
واضح انك ما فهمتش وجهة نظري او انا ما عبرتش عنها صح انا كنت بتكلم عن حاله ذاتيه اثيرت بسبب اكتشافي لما حدث في التاكسي في الحالتين وكنت بحاول افسرها باني مش عاوزه اتوصم في الحالتين يعني المسيحي لما هيعرف اني مسلمه نظرته بتتغير وبيعتبرني اخر والوضع موجود كمان عند المسلم ..انا ضد ان يكون الاخر بناء علي الدين ..بحس بانتماء حقيقي لما بيجمعنا حاجات مشتركة ..ثانيا فكرة اني بتخفي في المسيحين مش وارده عندي لاني مش شايفاهم مسيحيين اصلا دول مواطنيين مصريين بتجمعنا اهداف كتيره مشتركه اللي هي بنشتغل عليها في شغلنا
اعتقد اني وضحت راي لعباس العبد ايضا

2:29 AM  
Blogger مـحـمـد مـفـيـد said...

اعتقد ان التمييز من خلال ديانه كل واحد دي مش قاعده ولكنه خوف يتمني المرء الا يحدث
ولكن من ناحيه عدم التفرقه بينك وبين المسيحين في العمل فكل منا في عمله مسيحين ومسلمين
ولكن اري ان المسيحين تؤثرون علي انفسهم بعضهم البعض ولا يريدوا ان يدخلوا احد عليهم وفي بعض المسلمين يفعلون لا اخفي عليكي انه يوجد احتقان ويوجد افكار مشوشه تترجم لبعض وسائل الحوا الغير متحضر بين الديانتين
فالقاعده تقول ( لكم دينكم ولي دين )فلو التزمنا القاعده سننجو من كل هذه الهواجس

2:10 PM  
Blogger Dananeer said...

التمييز فى اى حاجه وحش
دايما كنت باستغرب و انا صغيره
كنت باحب اوى اتفرج على الافلام الاجنبى
اللى بتتكلم عن الهنود الحمر و مارتن لوثر كنج و غاندى

مكنتش فاهمه ليه الغباء و القسوه فى التتميز و الاباده
اسود اصفر ابيض!

حاجه تانيه مش ناسياها
كانت انتمتى فى المدرسه مسيحيه
كنا طول الوقت مع بعض و قريبين
مكنتش فاهمه اوى ليه بتروح حصه دين تانيه

رسمت صليب على ايدى
بالقلم الجاف عشان نبقى شبه بعض
:)
فاكره انى لما روحت بابا شافوا و زعقلى!

الاختلافات على رأى كراكيب حلوه
مشكلتنا اننا كتير مبنقدرش نقبلها

اوحش احساس كمان لما الواحد يضطر ياخدشكل مش بتاعه
او يتحط ف قالب الناس شايفاه
حتى بسكوته
لانه زهق من الخلاف

5:55 PM  
Blogger karakib said...

عباس العبد

انا مش أخت و لا حاجه
أنا أخ
راجل يعني

و كمان مش فاهم تعليقك علي تعليقي فالبوست بصراحه

6:17 AM  
Blogger islam yousef said...

انتى جوزك يعرف اللى انتى بتقوليه ده
انا كنت باسأل نفسى الحاجات دى
على فكره أنا كنت فى الجيش و كان اصدق أصدقائى من المسيحيين
أنا مش بقرق بين مسلم و مسيحى
لكن احنا مشتركين فى وطن واحد

1:37 PM  
Anonymous نورهان مفيد said...

لاتعليق بجد لا تعليق

2:13 PM  
Blogger sendrlla said...

على فكره انتى محتاجه كتب ترد عليك بس انتى ممكن تتحجبى وتريحى نفسك

او معنديش تعليق لان موضوعك غريب جدا انتى يا رضوى مش عارفه انتى عايزه تقولى ايه او اللى انتى عايزه مش عايزه تصرحى بيه او تقنعى بيه نفسك تقريبا

5:01 PM  
Blogger Rose said...

شوفي يا عروسة
طبعا التمييز على اي اساس (الدين - اللون - الجنس - العرق)هو شيء بشع ومفيش دين يرضى بيه لكن عاوزة اقول حاجة
اصلا كلمة الاديان دي مش موجودة في اي كتاب سماوي.. موجودة طبعا كلمة (دين) لكن جمعها مش موجود دي كلمة جديدة بنستعملها واحنا مش مدركين معناها..
في الاصل الدين واحد بس هو الاسلام ودا مش معناه ابدا انكار اليهودية والمسيحية لكن معناه ان موسى والمسيح عليهم السلام محدش فيهم قال انا يهودي او مسيحي.. كل نبي نزل من عهد سيدنا ادم لحد خاتم الانبياء كان بيقول انه مسلم.. طيب يعني ايه مسلم اصلا وهما نزلوا قبل سيدنا محمد (ص)؟ يعني بيسلم نفسه وحياته وروحه لربنا.. يعني يبقى مؤمن ان في اله واحد قادر ويعبده ولا يشرك به ويطيع اوامره
لما الزمن بيعدي الناس بتنسى والشيطان بيخدعهم فيعمل الاختلاف اللي حاصل دا.. ان اصبح فيه حاجة اسمها اديان بعد ما كانت دين واحد وحتى الاله اللي بنعبده مختلف مش واحد زي ما انتي بتقولي.. بصي على الاله اللي بيعبده اليهودي هتحسي انه اله تاني خالص غير اللي انتي تعرفيه.. كمان المسيحي والمسلم.. كل واحد فيهم الهه مختلف حتى لو هو انكر دا.. المسلمين بيقولوا بان الاله واحد ليس له زوجة ولا ولد ولا شريك في الملك والمسيحيين بيقولوا ان المسيح هو ابن الله او هو الله .. الخلاصة ان كل واحد بيعبد الهه
تبقى المشكلة مش في الدين.. المشكلة في الناس اللي منهم اللي مبيقبلش اختلاف الاخر عنه ومنهم اللي اصلا متلخبط وخايف زيك كدة.. المسيحي مش هياكلك لما يعرف انك مسلمة ولا المسلم هيدبحك بالسيف لما يعرف انك مسلمة ومش محجبة.. اخره كلمتين ينصحك بيهم وانتي حرة تقبلي كلامه او ترفضيه.. خليكي واثقة فيكي وفي الناس اكتر من كدة واسفة اذا كنت طولت

1:07 AM  
Anonymous Anonymous said...

سفسطة غريبه
ومنطق عجيب
وكلام اعجب

6:15 AM  
Blogger bishoy said...

سلامي لكي يا رضوى
انا ما عنديش حاجة معينة عايز اأقولها , لكن مجرد دردشة
أولا اسمي بيشوي ,واضح اني مسيحي , يمكن دية الحاجة الوحيدة اللي بتدل علي ديني فيا
و رغم حبي للاسم ده الا اني كنت بتمنى يكون لي اسم تاني مايباينش هويتي ..
مش شايف أي معنى للدين غير انة خرب دماغ الناس . الدين اللي المفروض يخلي الناس تعيش في سلام و تحب بعض ,عشانة و بسبه الناس بتتحارب و بتموت بعض .
المشكلة في الدماغ اللي عملت من الدين وثن و من الطقوس صنم و نسيت الهدف و أهتمت بس بالطريقة .

بخصوص الحجاب , طبعا , نادر جدا اني الاقي مسلمة مش محجبة , كنت عايز أشكرك علي انك بتديني فرصة كرجل لئني أكون محترم و احترم انسانيتك و ابصلك كانسان من غير ما أعاملك علي انك وعاء جنسي
شكرا انك بتدي فرصة لكل واحد نفسه مريضة و بينتهك خصوصيتك بنظرتة أو بأسئلتة أنة يعالج نفسة بدل ما يخبيكى عشان يدعي انة سليم لأن المشكلة في عنية مش في شعرك
شكرا يا رضوى :)

بيشوي

10:03 AM  
Anonymous Anonymous said...

ممكن تقوليلي انتي محتاجة ايه تاني عشان تتحجبي وتدي ربنا حقه نجاح في حياتك الدراسية وحصل بفضل الله عليكي
نجاح في حياتك العمليه محصل بفضل الله عليكي
نجاح في حياتك الاجتماعية من عيلة كويسة واب وام متفاهمين وحياة هادية بفضل من الله عليكي
نجاح في حياتك العاطفية بارادة من الله وحده تزوجتي من تحبين وجمع بينكما في خير وبقي ليكي اسرة تانية ايضا متفاهمة معتدلة وبفضل الله ايضا
طيب اتقي ربنا بقي واديله حقه وبعدين ده مش طلب كبير ولا حاجة خارجة عن ارادتك
افتكري ربنا في اوقات فرحك عشان يفتكرك في اوقات حزنك وضيقك
ولا لما تحصلك مصيبه تجري وتقولي يارب يارب
انتي عايزة تقولي ولا توصلي ايه
اعرفي اللي عليكي الاول وبعد كده تعالي اسالي احنا ليه مش بتوع ربنا
اتحجبي صوني نفسك وشعرك ودينك وجوزك بحجابك عشان ربنا يرضي عنك ويرزقك بالخلف الصالح والرزق وراحة البال
اتحجبي بارادتك وقبل فوات الاوان قبل مايجي تتحجبي فيه غصب عنك بس وقتها مش هتخدي ثواب ولا جزاء الحجاب



اتقي الله اتقي الله عشان يرضي عنك

1:17 PM  
Blogger radwa osama said...

سؤال بس للاخ الاخير هو ايه اللي يخليني اتحجب غصب عني ؟

2:35 PM  
Blogger MoHaMeD HoSSaM said...

عمرى ما حسيت بموضوع التمييز على اساس الدين وكنت بتخنق اوى لما القى ناس بتتكلم على حد على اساس دينه ففى الاخر الكل بيعبد ربه بطرقته حكاية صح او غلط دى محولتش افكر فيها قبل كدة طول عمرى وانا صحابى مسيحين وعمرى مفكرت افكر من ناحية الدين خالص بس للاسف فى ناس لسه بتفكر كدة عشان كدة الواحد ساعات مبيحبش يظهر دينه لبعض الناس الى عارف انهم ممكن يغيروا تفكرهم لمجرد الدين زى سوقاين التاكسى الى اتكلمتى عليهم بس عجبنى كلامك اوى كان نفسى حد يتكلم فى الموضوع دا
http://waghtnazr.blogspot.com

1:56 PM  
Anonymous Anonymous said...

سؤال بس للاخ الاخير هو ايه اللي يخليني اتحجب غصب عني ؟
الاجابه
ان لم يكن شرع الله
فلتكن
ارادة الله ومشيئته
فلعل الله يحل بك المصائب والشدائد
حتي تجدي ان لا مفر منه الا اليه
او
ان يكتب لكي الله حروقا شديدة في الوجه والراس
ووقتها سترتديه لتداري مساؤيك لا لتداري فتنتك وجمالك
او
او
او
لا تكابري في الباطل
ولا تاخذك العزة بلاثم
سيدتي
لا تجادلي في حدود الله ولا تنكريها
او تظهري عدم الاقتناع بها
فهي والله اعلم اشد علي الله من الذنب نفسه
اخيرا
انا لست الشخص الذي تبتغين منه الاجابه
ولست اهلا للنصيحه
ولست معصوم
واخطائي وزنوبي كثيرة
ولا احللها لنفسي ولا انكرها
ولكن استغفر الله
ارجو ان تكوني قد فهمت المعني
انا لا انكر عليكي عدم ارتداء حجاب او او
فكل نفس بما كسبت رهينه
ولكن
الوم عليكي تبرير ارتكاب الذنب وعدم اعترافك به وعدم ايمانك بحد من حدود الله
ماذا اودي بفرعون وقارون الي النار
اليس الكبر؟؟؟؟؟؟
اللهم اهديني واهديكي واهدي جميع الناس

5:11 AM  
Blogger محمد العنانى said...

بعد السلام
دى اول مره اعلق عندك والموضوع جامد بس مش عارف اقول اه انت عمل زى الصاعيدى الى بيتمدن وانتى حاشر نفسك عندهم هم شركاء الوطن هم اخوتنا فى المدرسه والشارع والشغل والجامعه هم معانا متفقين فى كل شى بس كل واحد لى عقائد وفكر متبعو
الاسلام فكر وعمل الاسلام حياه يعنى انا نفكر ثم نعمل ما يطلبه الدين
اما لموضوع الحجاب فهو فريضه نص عليها الدين الاسلامى لاسباب كتير والبنت هى المستفيده الوحيده منو فى حيتها فى اسلوب تعاملها يمكن الحجاب اتحول لعاده مش عباده بس هى دى صوره البنت المسلمه هى دى الصوره الى ملهاش شبه فى العالم كل
انت عمرك شفتى بنت محجبه ومش مسلمه
بس ارجع اقول مصر دى بتاعتنا كلنا مسلمين ومسحين
اما بالنسبه لمدونتك فهى حلوه سواء كانت بحجاب او من غير
مزيد من التدوين مزيد من النجاح

11:25 AM  
Anonymous Anonymous said...

عرفتي بقي ايه اللي مكن يخليكي تتحجبي غصب عنك ولا تحبي اديكي امثلة تانية ولا اقولبك كفاية كده لان لو انتي حجر اكيد هتليني ولو انتي مش حجر هتقتنعي بحق الله عليكي وتتحجبي وتوفري علي نفسك بقي انك تعملي كده قدام السواقين عشان ميفتكروش انك غير مسلمة
عارفة اكتر حاجة ضايقتني منك يامدام رضوي
طريقة التكبر اللي بتتكلمي بيها وتكبر علي مين علي الله سبحانه وتعالي
وبتكابري في الغلط وعايزة تثبتي انك صح علي حساب مين
علي حساب نفسك
فكري في يوم هتقفي فيه قدام ربنا ولا انتي ضامنة عمرك ولا تكوني هتخلدي فيها
يارضوي متخليش الدنيا تخدك وتبعد بيكي وافتكري ان في يوم فيه هتقفي قدام ربنا ولما يسالك متحجبتيش ليه ابقي قوليله
ايه اللي هيخليني اتحجب غصب عني


ربنا يهديكي ويهدينا ويكرمك واسمع انك اتحجبتي قريب
ع فكرة انا الاخ الاخير اللي وجهتيله السؤال بعد تعليقه وللعلم انا اخت وليس اخ

12:03 PM  
Anonymous Anonymous said...

السلام عليكم
من شهر علي النت كان في مهرجان عشان فرح رضوه ودلوقتي مهرحان برضه عشان حجاب رضوي بصى يرضوي هقول لكي حاجه لو فعلا زوجك بيحبك وخايف عليكي كان طلب منك لبس الحجاب بس الاسف انى زوجك بيسعدك علي عدم لبسا الحجاب ربنا يهديكي ويهدي قبل فوات الاوان وسعتها لهتعرفي جوزك والا غيره

12:20 PM  
Anonymous Anonymous said...

السلام عليكم
من شهر علي النت كان في مهرجان عشان فرح رضوه ودلوقتي مهرحان برضه عشان حجاب رضوي بصى يرضوي هقول لكي حاجه لو فعلا زوجك بيحبك وخايف عليكي كان طلب منك لبس الحجاب بس الاسف انى زوجك بيسعدك علي عدم لبسا الحجاب ربنا يهديكي ويهدي قبل فوات الاوان وسعتها لهتعرفي جوزك والا غيره

12:21 PM  
Blogger radwa osama said...

فكرت ما ردش عليك بس في عندى تعليق واحد مهم وهو عمر ما طريقتك ده هتهدى حد لانها بمنهي البساطه تنفيريه جدا والدعوه ده لها ناسها

1:33 PM  
Anonymous Anonymous said...

فكرت ما ردش عليك بس في عندى تعليق واحد مهم وهو عمر ما طريقتك ده هتهدى حد لانها بمنهي البساطه تنفيريه جدا والدعوه ده لها ناسها

سيدتي
ومن قال لكي اني مهتم ان اهدي احدا
؟؟؟؟؟؟؟
انا لست اهلا لهذا
وغير مهتم اصلا
فكما قلت
كل نفس بما كسبت رهينه
وكما ذكرتي انتي تعلمي جيدا ان الدعوة لها ناسها
اوكي
يبقي روحي اساليهم وخدي الفتوي منهم
انا مليش دعوة ربنا يهديكي او يضلك
سوري للفظ
كل ما هنالك اني حاولت اجاوب علي سؤال حضرتك طرحتيه بجهل
وهفكرك بيه
ايه اللي يخليني البس الحجاب غصب عني
؟؟؟
وانا جاوبت
بس
شكرا

2:34 PM  
Blogger Lasto-adri *Blue* said...

رضوى ممكن بس ارد على حاجة.. من فضلك.. بس الأستاذ بيشوى اللى قال
"
بخصوص الحجاب , طبعا , نادر جدا اني الاقي مسلمة مش محجبة , كنت عايز أشكرك علي انك بتديني فرصة كرجل لئني أكون محترم و احترم انسانيتك و ابصلك كانسان من غير ما أعاملك علي انك وعاء جنسي"
استفذنى الحقيقة...
يعنى مش فاهمة العلاقة الوطيدة ما بين الحجاب والوعاء الجنسى اللى بيقول عليه
:S
يعنى يا ريت يصلح من تفكيره شوية.. ولو عايز يعنى حد يناقشه يقول.. بس ما يرميش كلام فى الهوا

اما بخصوص الحجاب لكى.. فكل اللى اقدر اقوله للأستاذ الانونيوميس حدوتة بسيطة
زمان كنت اعرف شخصية تمام زى حضرته كدة.. كل ما تشوفنى تقول لى "الحجاب".. فى قرارة نفسها انها عايزة تهدينى... مش ح فرد سوء النية.. بس احب اقول لك ان هى كانت السبب انى اصلا اتأخر فى الحجاب.. كرهتها.. وكرهته... ومكنتش عارفة انا ليه متمسكة بدين بيفرض الحبس الاجبارى على البنات... ومش ببالغ لو قلت برضو انه خلاص كنت تقريبا على شعرة.. والله اعلم كان ممكن اروح على فين.. كل دا بسبب دعوة بطريقة مستفزة.. زى اللى حضرتك وغيرك كتير بتنادوا بها

الايمان مش منتظر حد يجى يقول كلمتين ح قع واعيط واقول "اتوب الى الله"... لاء.. الايمان والعقيدة وحتى أداء الفرائض بيجى من الداخل... بتيجى عليك لحظة انت مع نفسك بتقول لاء.. كفاية عليا لحد كدة.. لازم ادور على حق ربنا وبتروح له.. وبتلاقى ربنا بيجيلك اسرع منك زى الحديث القدسى تمام
ساعتها بس... بتتولد جواك طاقة تخليك مستعد تتحدى اى حد

خلاصة القول يا رضوى... سيبك من الناس اللى من النوع دا.. اى خطوة ايا كانت صغيرة او كبيرة لازم تخديها عن رضى واقتناع تام.. والا ح تصبح تمثيلية ح تكرهى نفسك قبل اى حد تانى فيها
بس دا لا يمنع ان الواحد يحاول يفكر.. او خلينى اقولها بتعبير تانى.. الواحد يحاول يفهم لحد ما يوصل لقناعة ايا كانت.. بس ما يكتفيش بالفكر المجرد

ياريت تكون رسالتى وصلت
:)

4:57 AM  
Blogger Lasto-adri *Blue* said...

بس حاجة اخيرة يا رضوى افتكرتها
انك ماتحوليش تخافى من دينك.. ولا تخبيه... لانه فى الآخر انتى.. جزء منك، من تكوينك، من هويتك.. جزء من افكارك الخاصة
ودا ينطبق على الأديان كلها على فكرة مش الاسلام
فقط..
اللى المفروض يتغير هو تقبلنا للوضع.. مش الوضع نفسه.. فهمانى؟

اما موضوع يبقى فى دين واحد اسمه "احنا بتوع ربنا".. فمع الاسف انا معترضة..
القوانين ايا كانت لازم تحدد من الاول.. ماينفعش نمشى فى بلد يقال انها دستورية، وفى نفس الوقت كل واحد ماشى مع نفسه بافكاره الخاصة ونقول كلنا بنحب البلد.. م الآخر ح تخرب
ولا انتى رايك ايه؟

5:54 AM  
Blogger radwa osama said...

مش الفكره ..واضح اني اسات التعبير عن افكارى ..انا مبسوطه بعلاقتي بربنا عن طريق ديانتي ومش بتبرى منها ولا حاجه بس انا ضد التمييز ما بين لطرفيين وضد
اني اتوصم لمجرد ان ديانتى مختلفه عنك ..بس كده

6:49 AM  
Blogger little sesame said...

اعتقد ان المشكلة تكمن اننا جميعا نتصرف ان ربنا بتاعنا و ليس اننا بتوع ربنا......
ربنا بتاعي..زي اي ديكور في حياتي.. اتعامل معاه بالطريقة اللي انا ارتضيها الطريقة اللي تريحني..مش مهم ربنا ده عايز ايه مني..المهم انه يبان جزء من حياتي..
يبدأ هنا التمييز لان طبعا ربنا بتاعي غير بتاعك حتي لو لينا نفس الدين..
ممكن التمييز فعلا ينتهي من حياتنا لو فكرنا فعلا اننا بتوع ربنا
فلن اهتم حينهاان يعرف السائق المسيحي اني مسيحيه او يعرف السائق المسلم اني مسلمة!!!!!!!!!!!!

6:34 AM  
Blogger محمود بن حافظ said...

بصي يا أنسة رضوى
لو مكنش التمييز بين الاشخاص على اساس الدين يكون التمييز بينهم على اساس؟!
طبعا مفروض التعامل يكون واحد
بل بالعكس
المفروض ان الواحد يعامل صاحب الديانة الاخرى بافضل ما لديه ... لانه يعتبر نموج لمعتقده ايا كان
يا رضوى
الانسان بعقيدته
والله بما يعتقد فقط

واخيرا
يارب تتحجبي ياااااااااااارب

1:37 PM  
Anonymous Anonymous said...

شقيق الشيخ حسن البنا يقول لا حاجه اليوم للحجاب.الشيخ جمال البنا
شقيق الشيخ حسن البنا مؤسس جماعه الاخوان
يقول الشيخ أنه لا حاجه اليوم للحجابلأنه يعوق المرأة عن حياتها العملية، وأنه لا يوجد في الاسلام ما يؤكد فرضيته
وأضاف الشيخ الجليل: الحجاب فرض علي الاسلام ولم يفرض الاسلام الحجاب، فشعر المرأة ليس عورة، بل يمكنها ان تؤدي صلاتها بمفردها وهي كاشفة الشعر. واعتبر شعر المرأة ليس عورة قائلا "مطلقا لا أرى ذلك"..
. واضاف العالم الجليل أن الحجاب أبدا لم يكن عقيدة أو شريعة بل مجرد عادات، إنه موجود من قبل الاسلام بألفي عام، نراه في كتاب حمورابي، وفي أثينا في عهد أفلاطون وارسطو حيث كان ينظر إلى المرأة على أنها من الحريم، كذلك ركزت اليهودية على الحجاب بشكل مكثف وأوضح أن شعر المرأة ليس عورة ولا يوجد أبدا في الكتاب والسنة ما يقول ذلك، وهناك حديث في صحيح البخاري بأن الرجال والنساء كانوا يتوضأون في عهد الرسول صلى الله عليه وسلم من حوض واحد في وقت واحد، فكيف اذن تتوضأ المرأة وهي مقنعة مرتدية ذلك اللباس الذي يجعلها شبحا أسود. كيف تغسل وجهها وقدميها ويديها إلى المرفقين، وكيف تمسح على شعرها. لقد استمر هذا الوضع طيلة حياة الرسول وفي جزء من خلاقة أبي بكر الصديق وجزء من خلافة عمر الذي فصل بين الرجال والنساء في الوضوء من مكان واحد. ليس في القرآن الكريم أو السنة الشريفة ما يأمر بالحجاب مطلقا. القرآن عندما قال "وليضربن بخمرهن على جيوبهن" كان ذلك في اطار الحديث عن لباس اجتماعي سائد في ذلك الوقت، فالرجال يلبسون العمائم والنساء تختمر لتقي نفسها من التراب أو من الشمس، وبالتالي فالمسألة لا علاقة لها بالدين، ومن هنا امر القرآن أن تسد المرأة فتحة الصدر بالخمار الذي كانت ترتديه كعادة اجتماعية، لكنه لم يأمرها بان ترتدي الخمار ولم يقل إنه من الضروري أن يغطي الرأس. القرآن ليس فيه آية واحدة تحث على الحجاب إلا بالنسبة لزوجات الرسول، وهو ليس زيا وانما باب أو ستار. وأضاف: الاسلام لا يطلب من المرأة أن تغطي شعرها أو تنزع ذلك الغطاء، هذا ليس شأنه، وإنما يدخل في اطار حقوقها الشخصية. وقال لا أجد حرجا مطلقا في أن تصلي المرأة بشعرها، ومع ذلك لابد أن نفرق بين كونها في الشارع، فلا نرى ضرورة لأن تلبس غطاء على رأسها، وبين أن تكون في الصلاة فترتديه، وإن كنت لا أرى حرجا في أن تصلي بدونه
. وأضاف شيخنا الجليل . يجوز للمرأة أن تؤم الرجال في الصلاة إذا كانت اكثر علما بالقرآن\ فالامامة عملية تحتاج الى مؤهل وليست حقا فطريا، وقد وضع الرسول (ص) هذا المؤهل وهو العلم بالقرآن، فجعل صبيا يؤم قومه بمن فيهم الشيوخ لأنه كان أعلمهم بالقرآن، وجعل مولى (أي عبداً) يؤم الصحابة كلهم وكان من بينهم أبي بكر وعمر. فإذا كانت المرأة أعلم ممن تؤمهم فهي أحق بالامامة، ولكنها تغطي شعرها، فهي هنا في صلاة جماعة، وبالتالي فان الأمر بالنسبة لغطاء الشعر يختلف فيما لوكانت تصلي بمفردها، فصلاة الجماعة تحتاج الى الضوابط وبالطبع لا توجد من ستصلي اماما بالناس وشعرها مكشوف.
واضاف الشيخ الجليل كتب السنه النبويه محشو بالمئات الآلاف من الاحاديث المكذبه
وأضاف شيخنا الجليل : قابلت في قطر الدكتورة امينة ودود التي فجرت موضوع قيام المرأة بامامة المصلين، وهي سيدة محتشمة جدا وتغطي رأسها .
http://video.google.com/videoplay?docid=-917591099431

7:11 AM  
Blogger rita said...

~「朵語‧,最一件事,就。好,你西....

5:44 AM  
Blogger 贝贝 said...

The Tax Return Crack-Up<3>
Granted, there are usuallyMicrosoft Office 2010write-ups when presidential contenders make their tax returns available, but the coverage falls far short of the Office 2010
full court press (pardon the pun) that the Clintons have received. What's Microsoft Office 2007different now?Office 2007One possibility is that most upper middle class Democrats, and therefore most Microsoft OfficeOffice 2007 keyeditors and reporters of our nation's big papers as well as Office 2007 downloadtelevision producers, are Obama supporters who think that Hillary should hurry up Office 2007 Professionaland drop out of the race already.Microsoft outlook
Microsoft outlook 2010Whom elite liberals are pulling for really does shape political coverage in ways

1:37 AM  
Blogger oakleyses said...

true religion jeans, oakley sunglasses, michael kors outlet, air max, tiffany and co, kate spade outlet, kate spade handbags, gucci outlet, nike shoes, louis vuitton outlet, air max, louboutin outlet, louis vuitton outlet, polo ralph lauren outlet, tory burch outlet, michael kors outlet, coach outlet, louis vuitton, coach factory outlet, louis vuitton outlet stores, burberry outlet, coach purses, michael kors outlet, oakley sunglasses cheap, longchamp handbags, ray ban sunglasses, burberry outlet, oakley sunglasses, longchamp outlet, christian louboutin shoes, michael kors outlet, nike free, louboutin, longchamp handbags, coach outlet store online, louboutin, prada outlet, tiffany and co, jordan shoes, ray ban sunglasses, michael kors outlet, louis vuitton handbags, polo ralph lauren outlet, chanel handbags, michael kors outlet, true religion jeans, prada handbags

6:00 PM  
Blogger oakleyses said...

michael kors, nike roshe, barbour, nike air max, air jordan, nike roshe run, air max, oakley pas cher, sac hermes, michael kors pas cher, timberland, nike free pas cher, air force, nike trainers, nike free, hogan outlet, new balance pas cher, sac louis vuitton, true religion outlet, hollister, sac longchamp, vans pas cher, converse pas cher, true religion outlet, ralph lauren, sac burberry, mulberry, vanessa bruno, polo ralph lauren, louboutin, air max pas cher, nike blazer, hollister, sac louis vuitton, michael kors, ray ban sunglasses, sac guess, louis vuitton, ray ban pas cher, polo lacoste, abercrombie and fitch, air max, north face, north face, nike tn, longchamp, louis vuitton uk, lululemon

6:04 PM  
Blogger oakleyses said...

vans shoes, nfl jerseys, wedding dresses, ghd, celine handbags, longchamp, ugg boots, abercrombie and fitch, lululemon outlet, uggs outlet, herve leger, ugg pas cher, chi flat iron, ugg australia, north face outlet, canada goose, north face jackets, mont blanc, giuseppe zanotti, canada goose jackets, beats by dre, ugg, mcm handbags, valentino shoes, new balance shoes, instyler, soccer shoes, babyliss pro, ferragamo shoes, mac cosmetics, rolex watches, insanity workout, p90x, bottega veneta, jimmy choo outlet, canada goose uk, canada goose, nike huarache, canada goose outlet, canada goose, reebok outlet, ugg boots, soccer jerseys, hollister, asics running shoes, birkin bag, marc jacobs, nike roshe run

6:11 PM  
Anonymous Anonymous said...

air max, juicy couture outlet, parajumpers, toms shoes, vans, moncler, montre homme, converse, pandora charms, pandora charms, moncler, thomas sabo, gucci, moncler, moncler, baseball bats, juicy couture outlet, hollister, ugg, wedding dresses, links of london, oakley, swarovski, moncler, pandora jewelry, moncler outlet, lancel, canada goose, louis vuitton, iphone 6 cases, karen millen, ray ban, moncler, rolex watches, supra shoes, hollister clothing store, converse shoes, air max, canada goose, hollister, timberland boots, louboutin, ralph lauren, swarovski crystal, coach outlet store online, ugg

6:22 PM  
Blogger Lin Shijun said...

shijun 7.22
christian louboutin
louis vuitton outlet
louis vuitton handbags
abercrombie store
louis vuitton
ray ban glasses
mont blanc mountain
tod's shoes
timberland outlet
michael kors outlet
michael kors outlet
nike air max
prada sunglasses
ghd straighteners
oakley sunglasses
true religion sale
air jordan retro
hollister kids
true religion outlet
coach outlet
burberry handbags
ray ban wayfarer
nfl jerseys
abercrombie and fitch
ncaa jerseys
coach outlet canada
chanel outlet
fitflops
louis vuitton handbags
ralph lauren outlet online
christian louboutin shoes
jordan 11 snakeskin
michael kors handbag
abercrombie & fitch
abercrombie
louis vuitton handbags
louis vuitton outlet
michael kors
gucci outlet online
jordan 11s

6:03 PM  

Post a Comment

<< Home

eXTReMe Tracker